शर्यत

एका अशा शर्यतीत भाग घेतलाय ज्यात सहज जिंकू शकतो, नव्हे जिंकतोय - पण जिंकणं हाच तिथे पराभव आहे. 

धावणं अपरिहार्य आहे.  

धावतोय..

जगण्यासाठी, अस्तित्वासाठी... 

पराभवासाठी...

अनुत्तरीत

सर्व प्रश्न सुटले असं कधीही होत नाही

काही राहतातच अनुत्तरीत

शाळेतल्या परीक्षेतही....

आणि आयुष्यातही.....

शब्द

A friend of mine called me up yesterday and he was apparently very happy as he had realized his long cherished dream....

But somehow words in which he expressed his happiness were not proportional to his happiness...

I knew the background and zeal with which he worked towards dream; so I could read between the words and gauge his feelings....

Why words does not mean what the person is actually trying to convey... why do they betray speaker???

सुखातही आणि दुखा:तही

पाहिलंय शब्दांना साथ सोडताना मी,

तरी पण बांधावं लागतं उन्मुक्त भावनांना या थिट्या शब्दांत

कारण मनाची भाषा जगाला समजत नाही

अनभिज्ञ

का लपवल्यास माझ्यापासून तुझ्या अपूर्ण राहिलेल्या कविता,
का सांगितलं नाहीस कधी मी मोडलेलं तुझं स्वप्न,
कसं कळणार होत मला
तुझं धीरगंभीर मुखवट्यामागे दडलेलं हळुवार मन..

 

Stale-mate

ठरलं होतं न आपलं तुला विसरायचं ,
मग आता परत का येतेस...
उगाच वाकुल्या दाखवून कसं फसवलं म्हणतेस
बोलावयाचंच होत तर जाऊ का दिलंस
परतीचे रस्ते बंद करुन काय मिळवलंस ??

टीप: दहा दिवसापूर्वी पर्सिस्टंट सोडली आहे, आणि जेव्हा पासून सोडलीये तेव्हापासून असे वाटतंय की का उगाच सोडली..

मृगजळ

तु समोर नसताना मन तुझ्या आठवणीत रमतं..

शब्दांचा खेळ मांडत तुझ्याशी बोलतं..

मृगजळाच्या मागे धावताना स्वत:ला विसरतं..

तु समोर असताना मन हरखून जातं..

शंभर वेळा उजळणी केलेल्या शब्दांनाही विसरतं..

मृगजळाच्या मागे धावताना स्वत:ला विसरतं..

शब्द

शब्द
अव्यक्त भावनांना मूर्त रूप देणारे शब्द..
आनंददायी शब्द...

हवेहवेसे वाटणारे शब्द ..
डोळ्यांनी बोलणाऱ्या प्रेमी जीवांना ओझं वाटणारे शब्द...
तर कधी दुखावणारे शब्द..
आयुष्यभर टोचणी लावणारे शब्द..
बेहोष करणारे शब्द...
स्फूर्ती देणारे शब्द...
कधी मनांना जोडणारे शब्द तर
कधी दुरावा निर्माण करणारे शब्द..

शब्द...

अव्यक्त

ओठांवर थांबलेले शब्द
मनात राहिलेल्या भावना
सागराच्या ओढीनं वाहणाऱ्या वेड्या नदीला थांबवणार धरण
पाणावलेले डोळे
कोंडमारा कि मन ?
सर्कॅशीत हसणारा विदुषक
बेदुंध वाहणारा धबधबा का नदीची आत्महत्या?
पराभूत एकाकी आणि अव्यक्त निश्चल कडा आणि त्याचं स्वगत