रसिका तुझ्याचसाठी

स्वीकार हि कविता !!!!!!!!
देवास वंदुनिया मैफिल सुरु होई 
दुर्भाग्य हेचि माझे येउन रिक्त जाई 

व्हावी सदाच धुंद मैफिल हि सुखाची 
घ्यावी शुभेच्छा मात्र एका कवी मनाची

दुग्धात शर्करा ती गोडी अवीट यावी 
हि रात्र रसिकांच्या स्मरणी सदा असावी

हि रात्र चांदण्यांची नाही मला प्रीतीची 
जावेच लागते ना? हि बंधने जगाची ....

सारी सुखात जावी हि रात्र चांदण्यांची 
स्वीकार हि कविता ! रसिका हि तुझ्याचसाठी